Што е што: веб страна vs. социјални мрежи – Каде навистина се случува продажбата?
Во денешницава многу бизниси се соочуваат со истата дилема: „Имаме Instagram и Facebook – зошто би ни требала и веб страна?“ Или обратно – „Имаме веб страна, ама социјалните мрежи не ни носат купувачи.“
По 30 години искуство во маркетинг и продажба, и со над 600 реализирани проекти со мали и средни компании, нашата поука е едноставна: не избирајте – комбинирајте! Но, за да донесете вистинска одлука, мора да знаете каде точно се случува продажбата и како секој канал помага во тој процес. И тоа е различно од бизнис до бизнис, но е водено од навиките на купувачите кои пак се резултат на „дигитализираните“ навики и понудата на пазарот.
Што е веб страната и зошто е столб на дигиталното присуство?
Веб страната не е само дигитална брошура или онлајн каталог. Таа е сопствена онлајн продавница, центар на доверба и алатка за автоматизирана продажба. Исто како дуќанот или канцелариите во „реалниот свет“. Како што и дуќанот или канцеларијата е вашето бизнис место, така и веб страната е ваше бизнис место на интернет.
- Во својата веб страна имате целосна контрола над дизајн, содржина и корисничко искуство.
- Солидна SEO оптимизација на веб страната Ви носи органски посети без да плаќате реклами за да биде видена вашата понуда.
- Веб страната комуницира 24/7 со секој гостин, преку контакт форма, или со плаќање со картича, па преку FAQ секција, Ваши референци, … – сѐ е на едно место, исто како во дуќанот или канцеларијата, но на интернет.
- Приказната за брендот и сѐ што нуди вашиот бизнис е на едно место, што инспирира доверба и е „продажба на прв поглед“.
Во свет каде алгоритмите на Meta (Instagram, Facebook, Whatsapp) се менуваат секој месец, веб страната е ваш сопствен дигитален имот. Вие ги контролирате правилата со целосна следливост на перформансите.
Што се социјалните мрежи и што (не) можат да направат за Вашиот бизнис?
Facebook и Instagram, TikTok и останатите, се визуелни, брзи, забавни и многу моќни – но се алатки што функционираат во реално време и бараат постојана активност. Тие се канали за комуникација, промоција, интеракција.
- Одлични се за прв контакт со купувачот.
- Креираат емотивна врска со брендот.
- Служат за брза интеракција, коментари и пораки.
Но:
- Постовите траат само неколку часа до денови.
- Нема пребарување производи/услуги на долг рок.
- Нема автоматско собирање на информации (освен ако не плаќате реклами)
Тие се важни, но не се место за комплетирање на продажбата. На прв поглед, продавате со објавување, но сепак тоа е само промоција, комуникација, интеракција. А продажбата сепак е разговор, преку chat или телефонски разговор.
Каде навистина се случува продажбата?
Најчестите навики на купувачите се: 📱 Instagram е првиот флерт. 🌐 Веб страната е првиот состанок. 💳 Купувањето е кога ќе му понудите доверба на купувачот.
Во нашето искуство, повеќето клиенти:
- Го гледаат производот/услугата на Instagram.
- Кликаат на линкот до веб страна.
- Читаат, споредуваат, добиваат сигурност.
- Купуваат / резервираат / праќаат контакт.
Без веб страна – немате каде да ја завршите продажбата. Извинете, имате – на chat или телефон – во време кога купувачот ќе сака да купи, во Ваше работно време, на полноќ, рано изутрина.
Комбинацијата што функционира: социјалните мрежи + веб страна
Кога работат заедно, резултатите се брутални:
- 3x повеќе конверзии кај клиенти што доаѓаат од Instagram кон веб.
- 70% повеќе доверба кога имаат каде да прочитаат + купат.
- 2x помал трошок за реклама кога се води на SEO оптимизирана страница.
Не избирај – синхронизирај! Ние тоа го правиме редовно за нашите клиенти.
Наш совет по 30 години искуство: стратегијата е кралица, а конверзијата е крал.
Не инвестирајте без јасна стратегија. Не чекајте идеален момент – создадете го со вистински партнери. Не мислете дека Instagram или Facebook се доволни – кога утре ќе ви ги затворат профилите, што ќе остане?
Затоа ние нудиме консултација (без обврски) – каде ќе ви кажеме:
- Што можете да подобрите веднаш,
- Како да ја зголемите продажбата,
- Како да го искористите максимумот од дигиталните канали.
Продажбата не се случува на едно место. Таа е процес.
Социјалните мрежи го отвораат разговорот. Веб страната ја затвора продажбата.
Комбинирајте ги двете. Искористете го нашето искуство од 3 децении.
Имајте партнер што ќе ви ја донесе стратегијата, изведбата и резултатите.